საქართველოს მთავრობის 2022 წლის 14 ნოემბრის №2105 განკარგულებით მოწონებული იქნა საქართველოს მთავრობას, სს „ელექტროენერგეტიკული სისტემის კომერციულ ოპერატორსა“ და შპს „ნახიდური ჰესს“ შორის ხელშეკრულება. აღნიშნული განკარგულების საფუძველზე, 2022 წლის 1 დეკემბერს საქართველოს მთავრობას (ეკონომიკის და მდგრადი განვითარების სამინისტრო), სს „ელექტროენერგეტიკული სისტემის კომერციულ ოპერატორსა“ და შპს „ნახიდური ჰესს“ გაფორმდა განხორციელების ხელშეკრულება, რომლის მიზანია „ნახიდური ჰეს“-ის ჰიდროელექტროსადგურის განხორციელება (მშენებლობა, ფლობა, ოპერირება) კომპანიის მიერ საქართველოს კანონმდებლობისა და ხელშეკრულებით განსაზღვრული პირობების შესაბამისად.

შპს „ნახიდური ჰესი“ ახორციელებს ბოლნისის მუნიციპალიტეტში მდ. ხრამზე 7,2 მგვტ დადგმული სიმძლავრის დერივაციული ტიპის ჰიდროელექტროსადგურის (ნახიდური ჰესის) მშენებლობისა და ექსპლუატაციის პროექტს.